पछिल्ला दिन सलमान खान आफ्नो नयाँ फिल्मका कारण चर्चामा छन् । उनले सन् २०२१ को ईदको अवसर पारेर रिलिज हुने गरी फिल्म ‘कभी ईद कभी दिवाली’ को घोषणा गरिसकेका छन् ।

फिल्मको नामजस्तै यसको कहानी पनि उत्तिकै मजाको छ । भारतीय मिडियाका अनुसार फिल्ममा हिन्दू मुस्लिम एकताको देखाइनेछ ।

यतिबेला भारतमा जुन ध्रुवीकरण र नकारात्मक माहोल बनेको छ, यस्तो अवस्थामा सद्भावको सन्देश फिल्मले दिनेछ ।

फिल्मको कहानी सलमान खानको आफ्नै परिवारसँग पनि जोडिएको छ । उनका पिता मुस्लिम हुन् । आमा हिन्दू हुन् । सौतेली आमा हेलेन क्याथोलिक हुन् ।

फिल्मले यस्तै कहानीलाई उठान गर्नेछ । फिल्म सलमानसँगै भाइचाराको भावनामा केन्द्रित हुनेछ ।

यो फिल्मलाई फरहाद समजीले निर्देशन गरेका छन् भने साजिद नाडियाडवाला फिल्मको कथा लेख्नेछन् ।