काठमाडौं-तिहारको तेस्रो दिन शनिबार (आज) साँझ नेपालीहरुले घरघरमा धनधान्यकी देवी लक्ष्मीको पूजा गरेका छन्।

औँशीको रात लक्ष्मीलाई प्रसन्न पार्न घरघरमा उज्यालो पारिएको छ । यतिबेला काठमाडौं उपत्यका बत्तीको उज्यालोले झिलिमिली देखिएको छ।

फूल, रङ र उज्यालोको चाड मानिने दिपावलीमा बत्तीको झिलिमिलीसँगै खेलिने देउसी भैलीले जोकोहीलाई रोमाञ्चक बनाउँछ ।

तर यसवर्ष कोरोना महामारीका कारण देउसी भैली कार्यक्रम भनि स्थगित गरिएका छन् ।  घर–घरमा विभिन्न किसिमका बत्तीहरु बालिएका छन् । पूरै शहर हेर्दा राजधानी ‘कलरफूल’ देखिएको छ ।

घर उज्यालो भए लक्ष्मीको बास हुने विश्वाससहित तिहारमा मैनबत्ती, दियो लगायत विभिन्न रङका बिजुली बत्तीहरू बालिने गरिन्छ ।

पाँच दिनसम्म मनाइने तिहार झिलीमिली बत्तीकै कारण विशेष बन्छ । त्यसो त तिहारको पहिलो दिन काग तिहारका दिनदेखि नै काठमाडौं उपत्यका झिलिमिली बनेको थियो ।

हेरौँ काठमाडौंका विभिन्न स्थानबाट देखिएको तिहारको झिलिमिली