काठमाडौँ– काठमाडौँ उपत्यकामा कोरोना संक्रमण तीव्र रुपमा बढेको छ ।

डेढ महिनाअघिसम्म उपत्यका भित्रिनेले कोरोना सार्ने डर बढेको बताइने गरेकोमा अहिले उपत्यकाबाट बाहिर जानेले गाउँगाउँमा संक्रमण फैलाउने त्रास बढेको छ ।

मंगलबार मात्रै उपत्यकामा एक हजार ७४६ जनामा संक्रमण देखिएको छ । काठमाडौँ उपत्यकाका तीन वटा जिल्ला, काठमाडौँ, भक्तपुर र ललितपुरमा ३२ हजार ६ सय तीन जनामा संक्रमण पुष्टि भइसकेको छ ।

यसमध्ये काठमाडौँ महानगरपालिकामा मात्रै १५ हजार ५५३ जनामा संक्रमण पुष्टि भएको छ ।

उनीहरूमध्ये सक्रिय संक्रमित सात हजार ५१७ छन् । काठमाडौँ महानगरपालिकाका ३२ वडामध्ये ११ वटा वडामा सक्रिय संमितको संख्या ३ सयभन्दा बढी छ ।

सबैभन्दा धेरै वडा नं. १६ मा सक्रिय संक्रमित ६१६ जना छन् । यस्तै वडा नं. १५ मा ५८१, वडा नं. ९ मा ५२०, वडा नं. ३२ मा ४१३, वडा नं. १४ मा ३९४, वडा नं. १० मा ३८५, वडा नं. ७ मा ३६२, वडा नं. ३ मा ३५३, वडा नं. ४ मा ३४६, वडा नं. ६ मा ३२१ र वडा नं. २६ मा ३१० जना सक्रिय संक्रमित छन् ।

हेर्नुहोस् वडागत विवरण