काठमाडौं – भारतीय कलाकार अमिताभ बच्चनले नेपालमा एसिड (तेजाब) आक्रमणमा परेका नेपालीको सहयोगमा चलाइएको अभियानकर्तामध्येका एक अभियन्ता उज्जवलबिक्रम थापालाई बधाई दिएका छन् ।
बच्चनले सामाजिक सञ्जाल ट्वीटरमार्फत उज्जवलको तारिफ गर्दै बधाई दिएका हुन् । एसिड आक्रमणका पीडितका पक्षमा थापाले गरेको मेहनतले राम्रो नतिजा पाएको पनि बच्चनले बताएका छन् ।
‘धेरै धेरै बधाई…यो राम्रो काम जारी राख्नु,’ बच्चनले सामाजिक सञ्जाल ट्वीटरमार्फत जनाएका छन् ।
अभियन्ता थापाले एसिड आक्रमणमा परेका पीडितहरुको उपचार लगायत अन्य काममा निरन्तर रुपमा सहयोग गर्दै आएका छन् ।
उत्तराखण्डको सो शेरवुड कलेजमा पढेका थापा पछिल्लो समय एसिड आक्रमण पीडितको सहयोगमा जुटेका छन् ।
हालै प्रधानमन्त्री केपी शर्मा ओलीले एसिड पीडित र थापा लगायत अन्य व्यक्तिहरु भेट गरेका थिए । उक्त भेटका क्रममा सरकारले एसिड पीडितको निशुल्क उपचार गर्ने र कानून संशोधन गर्ने आश्वासन दिएका थिए ।
T 3659 – – Ujjwal Thapa !! well done ex – Sherwoodian .. your hard work on the issue of acid victims, has paid off .. you have not just made Sherwood College proud, but also your country Nepal ..
Many congratulations .. keep up the good work ..❤️🙏🙏🙏— Amitabh Bachchan (@SrBachchan) September 14, 2020
प्रतिक्रिया