विश्वका विभिन्न देशमा समाज अनुसार संस्कृतिको भिन्न भिन्न रुप पाइन्छ । उक्त समाजका लागि ती संस्कृति सामान्य लागे पनि कतिलाई भने अनौठो लाग्न सक्छ ।

भारतको राजस्थानमा एउटा यस्तो उत्सव मनाइन्छ । जुन प्रथाले हामीलाई अचम्मित तुल्याउँछ ।

धिंगा गवर भनेर चिनिने उत्सवमा अविवाहित युवतीहरुले अविवाहित युवालाई लखेटी लखेटी कुट्ने गर्छन् ।

यदि कुनै युवतीले युवकलाई कुटिन् भने ती युवतीसँग युवकले बिहे गर्नुपर्ने हुन्छ ।

गाउँलेहरुले गवर मातालाई पार्वतीका रुपमा पूजा गर्ने गर्छन् । उक्त उत्सवमा युवतीहरु मात्र होइन, नवविवाहित र विधुवा महिलाले पनि सहभागी जनाउने गर्छन् ।

राजस्थानमा युवाहरुले केटीलाई वर्षभरि नै जिस्काउने गर्छन् । यो पर्वका बेला भने युवतीले युवालाई लखेटी लखेटी होस उडाइदिने गर्छन् ।

स्वतन्त्र पर्वका रुपमा लिइने यो पर्वमा हरेक वर्ष वैशाख तृतीयामा मनाइने गरिन्छ ।