काठमाडौं – गायिका आस्था राउतले आफ्नो गीत ‘फाट्यो नि माइतीको चिनो’ को आधिकारिक भिडियो बजारमा ल्याएकी छिन् ।
६ वर्षअघि कृपा दृश्य अनप्लगमा आस्थाले यो गीतमा प्रस्तुति दिएकी थिइन् । त्यतिबेला नै गीत खुबै लोकप्रिय भएको थियो ।
आस्थाले यो गीतको आधिकारिक भिडियो बिहीवार मात्र सार्वजनिक गरेकी हुन् ।
गीतमा सुरेश अधिकारीले शब्द र संगीत सिर्जना गरेका छन् । यस्तै गीतमा आस्था राउतको स्वर सुन्न सकिन्छ ।
कलाकार दिया मास्के र मनोज जोशीले भिडियोमा अभिनय गरेका छन् । भिडियोको छायांकन दीया मास्के र मनोज जोशीले गरेका हुन् भने सान थापाले निर्देशन गरेका हुन् ।
प्रतिक्रिया