काठमाडौं- ​​​​​​​​​नेपाल सुनचाँदी व्यवसायी महासंघले कोरोना कोषमा १५ लाख आर्थिक सहयोह गरेको छ ।

महासंघका प्रवक्ता ​मनोज कुमार साहले विज्ञप्ति जारी गर्दै कोरोना कोषमा १५ लाख रुपैयाँ सहयोग गरेको जानकारी दिएका हुन् ।

महासंघद्वारा जारी विज्ञप्तिमा भनिएको छ, ‘​यस विपत्तिको घडीमा सामाजिक उत्तरदायित्वलाई आत्मसात गर्दै नेपाल सरकार प्रधानमन्त्री राहत कोषलाई रु. १५ लाख आर्थिक सहयोग हस्तान्तरण गरिएको छ ।’

महासंघले संघ मातहतका ६५ वटा जिल्ला/नगर संघलाई परिचालित गरी संघमार्फत राहत वितरणको कार्य पनि जारी राखिएको जनाएको छ । यो विषम परिस्थितिमा संकटबाट बचाउन थप सहुलियतपूर्ण ऋण, ब्याज र दस्तुर मिनाहा लगायतको आर्थिक प्याकेजको आवश्यकता रहेको समेत महासंघले जनाएको छ ।

कोरोना महामारीको समयमा सुनचाँदीको बजारलाई सामान्यीकरण गर्न व्यवसायी, आम उपभोक्ता एवं नेपाल सरकारबाट आवश्यक साथ र सहयोगको अपेक्षा समेत महासंघले गरेको छ ।