काठमाडौं- काठमाडौं महानगरपालिकाले मापदण्ड नै बनाएर राहत वितरणको कार्यलाई तीव्रता दिँदै आएको छ ।

महानगरले वैशाख १ गतेसम्म  ४२ हजार बढीलाई राहत वितरण गरेको जनाएको छ । महानगरले वैशाख १ सम्म ४२ हजार ६ सय ३७ लाई राहत वितरण गरेको जनाएको हो ।

कामपाले एकद्धार प्रणाली बाट राहत वितरण गरेका कारण अन्यले पनि राहत दिदाँ सम्वन्धित वडासँग समन्वय गरेर मात्रै बाँड्न सक्ने जनाएको छ । यो तथ्याङ्कलाई हेर्दा कामपाले आफ्नै स्रोतबाट २९ हजार १ सय ७ जनालाई राहत वितरण गरेको छ भने १३ हजार ५ सय ३० अन्य स्रोतबाट राहत वितरण भएको छ ।

अभिभावक नभएका, आयश्रोत नभएका, वृद्धाश्रम, संरक्षणगृह, मन्दिर, गुम्बा, मस्जिदमा आश्रित, दैनिक गुजारा गर्न धौधौ पर्ने महानगरवासीलाई  महानगरले राहत वितरण गर्दै आएको छ ।