रुकुमपूर्व– सिस्ने गाउँपालिका–२ मा बम विस्फोट गरी बाटो खुलाइने भएको छ ।

एक वर्षदेखि रोकिएको वडा नम्बर २ मा पर्ने देउखोला–नायगाड सडकखण्डमा बम विस्फोट गरी बाटो खुलाइने भएको हो ।

सडक खन्ने क्रममा पहिरो छिचोल्न नसकिएपछि बम विस्फोट गरेरै भए पनि ट्रयाक खोल्न लागिएको हो । त्यसका लागि बम विस्फोट गर्न गृह र रक्षामन्त्रालयले अनुमति दिइसकेको छ ।

जिल्लाको उत्तर पूर्वी क्षेत्र जोड्नेयो महत्वपूर्ण खण्ड हो । ग्रामीण सडक सञ्जाल सुधार आयोजना आरसीआइपीले ११.६ किलोमिटर लामो यो सडकखण्डमा आस्फल्ट कंक्रिट गर्ने भनेर पीएच/शङ्करमाली निर्माण कम्पनीसँग सम्झौता गरेको थियो ।

सम्झौताअनुसार पहिलो वर्षमा ट्रयाक खोलि सक्नेदेखि ग्राभेलसम्मको काम गर्ने भनिएको छ भने, अर्को वर्षमा कालोपत्रको काम गर्ने भनिएको छ । आस्फल्ट कंक्रिट अर्थात ३० एमएमबाक्लो कालोपत्र गर्ने सम्झौता भएको हो ।

बम विस्फोट गर्ने कुरालाई गृह र रक्षामन्त्रालयले अनुमति दिएसँगै सडक निर्माणको काम पनि शुरु भइसकेको आयोजनाका निमित्त प्रमुख इञ्जिनीयर शङ्कर खत्रिले बताउनुभयो । अब सडक निर्माणको काम पनि छिट्टै सम्पन्न हुने उनले बताए ।