काठमाडौँ– सञ्चार तथा सूचना प्रविधिमन्त्री पावर्त गुरुङले नेपाललाई असफल राष्ट्र बनाउने षडयन्त्र भइरहेको भन्दै सवै सचेत हुनुपर्ने बताएका छन् ।

नेपाल हस्तकला महासंघले आइतबार काठमाडौंमा आयोजना गरेको कार्यक्रममा मन्त्री गुरुङले राजनीतिक स्थीरतातर्फ मुलुक अघि बढ्दा केही तत्वहरुले अस्थीरता फैलाई नेपाललाई असफल राष्ट्र बनाउने षडयन्त्र भइरहेको बताएका हुन् ।

उनले राजनीतिक पार्टीहरु र नेताहरुकाबीचको असन्तुष्टिले मुलुक अस्थीरतातर्फ जाने खतरा पैदा हुने धारणा राखे ।

पार्टीको सरकार टिकाउने भन्ने कुरा ‘प्रधान’भन्दा पनि मुलुकलाई समृद्धितर्फ लाने कुरा प्रमुख भएको उहाको भनाइ थियो ।

मन्त्री गुरुङले नेपाली जनताको आर्थिक रुपान्तरणको सपना पूरा हुन राजनीतिक स्थायित्व र दिगो सरकार आवश्यक हुने बताए ।

कार्यक्रममा विभिन्न क्षेत्रका व्यक्तिहरुलाई सम्मान गरिएको थियो ।