काठमाडौं-  सत्तारुढ नेपाल कम्युनिस्ट पार्टी (नेकपा)का प्रवक्ता नारायणकाजी श्रेष्ठको सचिवालयले कोरोना भाइरसको रोकथाम तथा नियन्त्रणका लागि ‘स्वयं सेवा टिम’ गठन गरेको छ ।

श्रेष्ठको निजी सचिवालयले आइतबार प्रेस विज्ञप्ति जारी गर्दै कोभिड–१९ स्वयं सेवा(सीभीएस) टिम गठन गरेको जानकारी दिएको हो ।

सीभीएस टिमले कोभिड–१९ महामारी नियन्त्रणका लागि सरकारको कामलाई सफल बनाउने र कोभिड संक्रणको मारमा परेकालाई सहयोग गर्ने विज्ञप्तिमा जनाइएको छ ।

‘तत्कालको मुख्य आवश्यकता भनेको कोभिड–१९ को रोकथाम, नियन्त्रण र उपचारमा केन्द्रित भई मानव जीवन रक्षा गर्नु हो।’ विज्ञप्तिमा भनिएको छ ।

सीभीएसले कोभिड उपचार सम्बन्धि प्रकिया र उद्धारमा सहजीकरण, समन्वय तथा सहयोग गर्ने, मनोसामाजिक परामर्श दिने काम गर्ने श्रेष्ठको निजी सचिवालयले जानकारी दिएको छ ।

त्यसैगरी आपतकालीन स्वास्थ्य परामर्श दिने, आप्रवासी श्रमिकको उद्धार तथा सुरक्षित घर फिर्तीमा समन्वय तथा सहयोग गर्ने तथा कोभिड–१९ बारे सचेतना फैलाउने काम गर्ने जनाइएको छ ।

सचिवालयले गठन गरेको कोभिड–१९ स्वयं सेवा(सीभीएस) टीममा २९ जना रहेका छन् ।

यस्तो छ सचिवालयद्वारा जारी विज्ञप्ति