काठमाडौँ– बीपी कोइराला स्वास्थ्य विज्ञान प्रतिष्ठान धरानमा एकजना कोरोना संक्रमितको मृत्यु भएको छ।
प्रतिष्ठानका प्रवक्ता निदेश सापकोटाका अनुसार कोरोनाबाट मृत्यु हुनेमा विराटनगर–१२ का ७० वर्षीय पुरुष रहेका छन्।
ती पुरुषमा ज्वरो, खोकी र श्वासप्रस्वासकाे समस्या देखिएको तथा उनी उच्च रक्तचापका विरामी रहेको प्रतिष्ठानले जानकारी दिएको छ।
उनमा प्रादेशिक प्रयोगशाला विराटनगरमा गरिएको स्वाब परीक्षणमा भदौ १६ गते कोरोना पुष्टि भएको थियो। भदाै १७ गते उनलाई प्रतिष्ठानमा उपचारका लागि भर्ना गरिएको थियो।
प्रतिष्ठानका प्रवक्ता डा. सापकोटाका अनुसार उपचारको क्रममा उनको आइतबार दिउँसो मृत्यु भएको हो।
प्रतिक्रिया