चितवन- भरतपुर अस्पताल कोभिड-१९ परीक्षण प्रयोगशालामा बिहीबार गरिएको परीक्षणमा चितवनका १२ सहित थप १६ जनामा कोरोना भाइरसको सक्रमण पुष्टि भएको छ ।

विहीबार साँझ भरतपुर अस्पतालले दिएको जानकारी अनुसार थप १६ जनामा कोरोना पुष्टि भएको हो ।

संक्रमित भएकाहरुमा भरतपुर महानगरपालिका वडा नम्बर २, ४, ७, १० का क्रमशः २३, ३०, २९, २० ३२, ३५, २३, २८ पुरुष र २५ बर्षिया एक महिला गरी ९ जनामा कोरोना पुष्टि भएको हो  ।

त्यस्तै राप्ती नगरपालिकाका वडा नम्बर ९ मा ३७ वर्षीया एक महिला रत्ननगर नगरपालिका वडा नम्बर १३ कि ६३ वर्षीय महिला र खैरहनी नगरपालिका वडा नम्बर ८ का २३ वर्षीय एक पुरुषमा कोरोना संक्रमण पुष्टि भएको प्रयोगशालाका प्रमुख डाक्टर नितु अधिकारीले जानकारी दिइन् ।

यसैगरी बिहीबार भरतपुर प्रयोगशालामा गरिएको परीक्षणमा नवलपुरका २८ वर्षीय पुरुष, सर्लाहीका ४५ वर्षीय पुरुष, मकवानपुरकी २२ वर्षीय महिला र तनहुँकी २२ वर्षीय महिलामा कोरोना संक्रमण देखिएको भरतपुर अस्पतालले जनाएको छ ।

यसैबीच अस्पतालको आकस्मिक कक्षमा कार्यरत स्वास्थ्यकर्मीलाई कोरोना भाइरसको संक्रमण देखिएको हुँदा अस्पताल सिल गरिएको छ ।

अस्पतालले सूचना जारी गर्दै विहीबार साँझ ८ बजेदेखि अर्को सूचना जारी नभएसम्मका लागि अस्पताल सिल गरिएको जानकारी दिएको छ ।

यस्तो छ सूचना-