काठमाडौं- ग्लोकल आफ्टर स्कुलले अगस्ट १२ गते अन्तर्राष्ट्रिय युवा दिवसलाई लक्षित गरेर दक्षिण एशियाली युवा महोत्सव २०२० आयोजनाको घोषणा गरेको छ ।

ग्लोकल शिक्षा, उद्यमशीलता र सिपको क्षेत्रमा कार्यरत व्यवसायिक संस्था हो । बिगत लामो समय देखि युवा वर्गहरुको सीप विकास गर्न र आफ्नो रुची भएको बिषयमा पोख्त हुन विभिन्न कार्यक्रम, तालिम, प्रतिस्पर्धाहरु आयोजना गर्दै उनीहरुलाई प्रोत्साहित गर्दै आइरहेको छ ।

ग्लोकलले एक अत्यन्त सकारातमक सोच लिएर युवाहरुमा कौशल विकासका लागि काम गर्दै आएको संस्था हो र अगस्ट १२ गते अन्तर्राष्ट्रिय युवा दिवसलाई लक्षित गरेर दक्षिण एशियाली युवा महोत्सव २०२० आयोजनाको घोषणा गरेको हो ।

यो ३ हप्ते लामो महोत्सव अगस्ट १२ गतेबाट सुरु भएको हो । महोत्सवका विभिन्न प्रतियोगिताका विजेताहरुको घोषणासँगै सेप्टेम्बर ३ तारिकका दिन समापन हुनेछ । सहभागिताका लागि आबेदन भने १२अगस्ट २०२० वाटै शुरु भएको छ । यो कार्यक्रम बिभिन्न दक्षिण एशियाली संस्थाहरुको समयोजनमा गर्न लागिएको हो ।

यो ३ हप्ते लामो लामो अनलाइन कार्यक्रमका विभिन्न विशेषताहरु छन । यस महोत्सवअन्तर्गत सहभागीले विभिन्न सिप आधारित कुशल कार्यशाला, रचनात्मक प्रतिस्पर्धा एवं प्यानल छलफल जस्ता बिभिन्न गतिविधीहरुमा निःशुल्क भाग लिन पाउनेछन् ।

यस महोत्सबमा दक्षिण एशियाली देशहरूबाट १४-२४ वर्ष उमेरका युवाहरू भाग लिन पाउने छन र उनीहरूलाई मनपर्दो गतिविधिहरूको लागि दर्ता गर्न प्रोत्साहित गरिएको छ ।

दक्षिण एशियाली युवा महोत्सव २०२० दक्षिण एशियाली देशका युवाहरूलाई जम्मा गर्न, उनीहरूसँग जोड्न, साझेदारी गर्न र उनीहरूको दृष्टिकोण जान्न र यी समूहहरू बीचको बलियो सम्बन्धलाई अभिव्यक्त गर्ने उद्देश्यले आयोजना गरिएको हो । महोत्सव अनलाइन आयोजित भइरहेको छ ।

महोत्सवको सुरुवात दक्षिण एशियाली देशहरूका सरकार, राष्ट्रिय र अन्तर्राष्ट्रिय प्रतिनिधि र प्रेरणादायक युवाहरूको ओपनिङ्ग प्यानेलबाट भएको थियो । दक्षिण एसियाली युवा महोत्सवको उद्देश्य दक्षिण एशिया भर बाट हजारौं युवाहरुलाई एकै प्लेटफर्ममा भेला गराई युवा शक्ति र क्षमताहरु मनाउनु रहेको छ । युवा महोत्सवको माध्यमबाट दक्षिण एशियाली क्षेत्रका लागि उत्पादनमूलक छलफल र सीप समाधान अनुरुप बिभिन्न प्रतियोगिता, कार्यशाला र प्यानल छलफल संचालन हुनेछ ।

दक्षिण एसियाली महोत्सव युवा समूहको आधिकारिक गठनमा पनि अग्रणी रहने छ जहाँ दक्षिण एशिया क्षेत्र भरमा युवा प्रतिनिधित्वमार्फत उनीहरुकोे विभिन्न अन्तर्दृष्टि, दृष्टिकोण, सांस्कृतिक पृष्ठभूमि सम्रक्षण गरिनेछ ।

यो समूह युवा व्यक्तिहरूको हितमा रहनेछ र यसको उद्देश्य उनीहरूको सीप, आविष्कार र परिवर्तनको लागि सँगै काम गर्ने, उनीहरूमा उत्साह, रचनात्मकता र उर्जाको उत्थानको लागि महत्वपूर्ण भूमिका निभाउनु हो । दक्षिण एसियाली देशका युवाहरू फेसबुकमार्फत जोडीदै समाजको विकासमा पूर्ण रूपमा भाग लिन सक्ने छन ।