काठमाडौं – कोरोना भाइरस (कोभिड–१९) को परीक्षण गराएका ३४ खेलाडीमध्ये एक जनामा कोरोना संक्रमण पुष्टि भएको छ ।

सोमवार ११ जना खेलाडीसहित २५ जनाको र मंगलवार २३ खेलाडीसहित २९ जनाको स्वाब परीक्षणका लागि संकलन गरेको थियो ।

मंगलबार पाटन अस्पतालमा कोरोना जाँच गराएका २३ खेलाडी मध्येबाट १ जनामा कोरोना संक्रमण पुष्टि भएको अखिल नेपाल फुटबल संघ एन्फा स्रोतले खबरहबलाई बतायो ।

राष्ट्रिय फुटबल टोलीका खेलाडीमा कोरोना पुष्टि भएपछि अहिले उनको रिपोर्ट स्वास्थ मन्त्रालय पठाइएको छ ।

फिफा विश्वकप २०२२ तथा एएफसी एसियन कप २०२३ अन्तर घरेलु मैदानमा हुने तय भएको खेलका लागि भदौ १ देखि क्याम्प सुरु गर्ने गरी एन्फाले खेलाडीको कोरोना परीक्षण गर्ने व्यवस्था मिलाएको थियो ।

राजधानीबाहिर भएका खेलाडीलाई अभ्यासका लागि काठमाडौं बोलाएको थियो ।

कोरोना परिक्षण गराएका ५३ जनाको नतिजा नेगेटिभ आए पनि एक जनाको नतिजा पोजेटिभ आएको एन्फा स्रोतले जनाएको छ ।

विश्वकप छनोटका खेल फिफा र एएफसीले २०२१ सम्मका लागि स्थगित गरेपछि क्याम्पमा बोलाएका खेलाडीलाई एन्फाले घर फर्काएको छ ।