काठमाडौं – सेती प्रादेशिक अस्पतालमा गरिएको परीक्षणमा ११ जनामा कोरोना संक्रमण पुष्टि भएको छ ।
अस्पतालले एक विज्ञप्तिमार्फत थप ११ जनामा कोरोना संक्रमण पुष्टि भएको जानकारी गराएको हो । नयाँ थपिएका संक्रमितमध्ये एकजना अछामका र बाँकी कैलालीका हुन् । उनीहरु मध्ये ३ जना महिला र ८ जना पुरुष रहेका छन् ।
अस्पतालले पछिल्लो २४ घण्टामा २ सय ४३ जनाको पीसीआर विधिबाट कोरोना परीक्षण गरेको जनाएको छ ।
यस्तै अस्पतालले हालसम्म १२ हजार ७ सय ७४ जनाको स्वाब परीक्षण गरेको र तीमध्ये १ हजार ५१ जनामा कोरोना संक्रमण देखिएको जनाएको छ ।
प्रतिक्रिया