काठमाडौं-  सुरक्षा सावधानी अपनाएर विभिन्न निर्माण परियोजनाको काम तीव्र पारिएको छ ।

सरकारको नीति अवलम्बन गर्दै पुनर्निर्माणका काम तथा विभिन्न परियोजना सुचारु गरिएका हुन् । यसैक्रममा पाल्पाको डुम्रे–चकल्दी–कुसुमखोला–बुढाखोल्सी जोड्ने सडक पुनर्निर्माण थालिएको छ ।

पाल्पाको निजी आवासलगायतका पुनर्निर्माण तथा जनजीवनमा महत्वपूर्ण मानिएको १४ किलोमिटर लामो यो ग्रामीण सडकको २०७६ फागुन पहिलो साता शिलान्यास गरिएको थियो ।

मूल्य अभिबृद्धि करसहित १५ करोड ९२ लाख रुपैयाँमा रायमाझी–पीटीआर अधिकारी जेभीले सडक पुनर्निर्माण गरिरहेको छ । गाभ्रेल स्तरमा पुनर्निर्माण हुने र करिब आठ मिटर चौडा रहने यो सडकको निर्माण अवधि १६ महिना छ ।

सडक बनेपछि पश्चिम पाल्पाका अधिकांश भूभाग, छिमेकी जिल्लाहरु गुल्मी, अर्घाखाँची जिल्लाको लागि छोटो वैकल्पिक मार्ग उपलब्ध हुनेछ । यसबाट कृषि उत्पादनका लागि बजारको पहुँचमा सहयोग भई सामाजिक तथा आर्थिक उन्नतिमा टेवा पुग्ने स्थानीयले विश्वास लिएका छन् ।