गुल्मी- जिल्ला प्रशासन कार्यालयले गुल्मीले जिल्लाभर आवातजावतमा पूर्ण प्रतिबन्ध लगाएको छ। प्रदेश अन्तर्गतका जिल्लाहरुमा कोरोना भाइरसको संक्रमणको उच्च जोखिम देखिएको जनाउँदै सिल गर्नुपरेको प्रशासनले जनाएको हो।

जेठ १ गते बिहान ६ बजेदेखि लागू हुने गरी जेठ ५ गते मध्यरातसम्म जिल्ला सिल गर्न लागिएको हो। आवतजावत पूर्णरुपमा बन्द रहेको समयमा एम्बुलेन्स, शव बाहन, मृत्यु संस्कार, विद्युत्, संचार, खानेपानी औषधि र इन्धनका सवारीलाई नरोकिने प्रशासनले जनाएको छ।

सर्वसाधारण नागरिकहरु बिरामी भएको अवस्था बाहेक घरबाट बाहिर ननिस्कन प्रशासनले अनुरोध गरेको छ। सिलकै समयमा खाद्यान्न खरिदका लागि बिहान ११ बजेदेखि दिउँसो १ बजेसम्म खुला रहने प्रशासनले जनाएको छ।

जिल्ला प्रशासनले जारी गरेको सूचना हेर्नुहोस