काठमाडौं – लकडाउनका कारण रगतको अभाव भइरहेको बेला काठमाडौंको कागेश्वरीका युवाहरुले रक्तदान अभियान सञ्चालन गरेका छन् ।

बुधवार विहान कागेश्वरी मनोहरा नगरपालिका ९ गोठाटारमा रक्तदान कार्यक्रम आयोजना गरिएको हो ।

साझा मञ्चले नेपाल रेडक्रस सोसाइटीसँगको सहकार्यमा आयोजना गरे कार्यक्रममा ५० भन्दा बढीले रक्तदान गरेका थिए ।

आयोजक मध्येका एक रामचन्द्र कार्कीले लकडाउनका समयमा हुनसक्ने रगत अभावलाई मध्यनजर गर्दै रक्तदान आयोजना गरिएको बताए ।

रगत अभाव हुन नदिन समय पुगेका रक्तदाताले रगत दान गर्नुपर्ने हेम लुइँटेलले बताए ।

लकडाउनका समयमा बिरामीहरुलाई आवश्यक पर्ने रगत अभाव हुनसक्ने भन्दै रेडक्रसले रक्तदान गर्न अपिल गर्दै आएको छ ।