काठमाडौं- बागलुङमा आइतबार र्‍यापिड डायग्नोस्टिक टेस्ट (आरडीटी) मा कोरोना पोजिटिभ देखिएकी एक महिलामा कोरना भाइरसको संक्रमण नभएको पुष्टि भएको छ ।

प्रयोगशालामा परीक्षणको रिपोर्ट नेगेटिभ आएसँगै उनीमा कोरोना संक्रमण नभएको पुष्टि भएको हो ।

र्‍यापिड टेस्टमा कोरोना पोजेटिभ आए पनि पीसीआरको पुन: परीक्षणमा नतिजा नेगेटिभ आएको जिल्ला स्वास्थ्य कार्यालय बाग्लुङका प्रमुख सुरज गुरौले जानकारी दिए ।

र्‍यापिड टेस्टमा नतिजा पोजेटिभ आएपछि ती महिलाको स्वाब कलेक्सन पोखरा स्वास्थ्य विज्ञान प्रतिष्ठानको प्रयोगशालामा पठाइएको थियो ।

बागलुङमा २ जना कोरोना भाइरस संक्रमित भेटिएपछि बाग्लुङमा र्‍यापिड टेस्ट थालिएको छ । आइतबार गरिएको ५७ जनाको टेस्टमा अन्यको नतिजा नेगेटिभ आएपनि ती महिलाको नतिजा पोजेटिभ देखिएको थियो ।