अमेरिका- अमेरिकामा टोनार्डो(आँधी) कारण कम्तिमा ७ जनाको मृत्यु भएको छ । आँधीका कारण लुजियानामा सयौं भवनमा क्षति पुर्याएको छ ।

राष्ट्रिय मौषम सेवाका अनुशार टोनार्डो मिसिसिपीका अरु भागमा फैलिएको छ भने अलावामा राज्य क्षेत्रको नजिक प्रवेश गरेको छ ।

लुजियानामा कैयन भवनमा क्षति पुग्नुकासाथै हजारौंका घरमा विद्युत आपूर्तीमा अवरोध उत्पन्न भएको छ ।  मोनरोका मेयरका अनुशार सिटी र आसपासमा झण्डै ३ सय घरमा क्षति पुगेको छ ।

मोनरो क्षेत्रीय विमानस्थलका कैयन उडानहरु रद्द गरिएका छन् भने टोनार्डोले पार्कमा राखिएका विमानमा ३० मिलियन डलर सम्मको क्षति गरेको छ । डेसोटो र वेवेस्टरमा पनि कैयन घरमा क्षति पुगेको छ ।

टेक्सासमा कम्तीमा २ वटा टोनार्डोहरु आएको बताइएको छ । मोगर्न काउन्टीमा चर्चको छानो भत्किएको छ भने कोही घाइते भएको खबर प्राप्त भएको छैन । अमेरिकाको दक्षिणी क्षेत्र जोखिममा रहेको मौषमविदहरुले चेतावनी दिएका छन् ।

यसैबीच सोमबार विहानैदेखि न्युयोर्कमा ७० माइल प्रतिघण्टाको दरले हावाहुरी चल्नुका साथै भारी बर्षा समेत हुने मौषमविदहरुले जनाएका छन् ।

समुन्द्री तटहरुमा हावाको बेग अझै उच्च हुनेछ । हावाहुरी र बर्षाका कारण रुखहरु ढल्ने र कतिपय स्थानमा विद्युत आपूर्तीमा अवरोध उत्पन्न हुनसक्ने जनाइएको छ । सोमबार कडा मेघगर्जन समेत हुनसक्ने मौषमविदहरुले अनुमान गरेका छन् ।