काठमाडौं– विश्वव्यापी महामारीको रुपमा फैलिएको कोरोना भाइरसको संक्रमण स्पेनमा पनि तीव्र देखिएको छ ।

स्पेनमा पछिल्लो २४ घण्टामा ६०३ जनाले ज्यान गुमाएसँगै मृत्यु हुनेको संख्या १७ हजार २०९ पुगेको छ ।

स्पेनमा एकैदिन ३ हजार ८०४ जनामा संक्रमण देखिएसँगै संक्रमितको संख्या १ लाख ६६ हजार ८३१ पुगेको छ ।

स्पेनमा संक्रमितमध्ये ६२ हजार ३९१ जना उपचारपछि निको भएका छन् । ७ हजार ३७१ जनाको अवस्था गम्भीर रहेको छ । भने ८७ हजार २३१ जनाको विभिन्न अस्पतालमा उपचार भइरहेको छ ।

चीनको वुहानबाट शुरु भएको कोरोना संक्रमणको दर यूरोपियन मुलुक हुँदै पछिल्लो समय अमेरिकामा तीव्र देखिएको छ ।

यसैबीच, विश्वव्यापी रुपमा कोरोना भाइरसका कारण हालसम्म १ लाख १४ हजार १७१ जनाले ज्यान गुमाएका छन् भने संक्रमितको संख्या १८ लाख ५१ हजार ४८७ रहेको छ ।