काठमाडौं- दोस्रोपटक मिर्गौला प्रत्यारोपण गरेर त्रिवि शिक्षण अस्पतालबाट फर्किएका प्रधानमन्त्री केपी शर्मा ओलीले बुबा मोहनप्रसाद ओलीसँग आशीर्वाद लिएका छन्।

अस्पतालबाट डिस्चार्ज भएर प्रधानमन्त्री निवास बालुवाटार पुगेका प्रधानमन्त्री ओलीले बुबासँग आशीर्वाद लिएको प्रधानमन्त्रीका प्रेस सल्लाहकार सूर्य थापाले बताए ।

उनले प्रधानमन्त्रीले बुबासँग आशिर्वाद लिएको फोटो फेसबुकमा राख्दै यस्तो लेखेका छन् ।

अस्पतालमा रहुन्जेल सङ्क्रमणको जोखिमका कारण अरुलाई भेट्न दिइएको थिएन। आशीर्वाद दिँदै बुबाले प्रधानमन्त्री ओलीको स्वास्थ्यलाभको कामना गरेका थिए।

उपचारका लागि अस्पताल जाने क्रममा पनि प्रधानमन्त्री ओलीले बुबासँग आशीर्वाद लिएका थिए। अस्पताल परिसरमै प्रधानमन्त्री ओलीले बुबालाई ढोग गरेका थिए।