काठमाडौं– प्रधानमन्त्री केपी शर्मा ओलीको आज डिस्चार्ज हुने भएको छ ।
१० दिनअघि मिर्गौला प्रत्यारोपण गरिएका प्रधानमन्त्री ओलीलाई आज त्रिवि शिक्षण अस्पतालबाट डिस्चार्ज गर्न लागिएको अस्पतालका निर्देशक डाक्टर प्रेमकृष्ण खड्गाले जानकारी दिए ।
प्रधानमन्त्री ओलीको त्रिवि शिक्षण अस्पतालमा मिर्गौला प्रत्यारोपण गरिएको थियो । उनलाई भाञ्जी समीक्षा संग्रौलाले मिर्गौला दान दिएकी थिइन् । संग्रौला भने बुधवार नै डिस्चार्ज भएकी थिइन् ।
प्रधानमन्त्री ओली फागुन १९ गते अस्पताल भर्ना भएका थिए भने २१ गते मिर्गौला प्रत्यारोपण गरिएको थियो ।
१२ वर्ष अघि प्रधानमन्त्री ओलीको पहिलो पटक मिर्गौला प्रत्यारोपण गरिएको थियो ।
प्रतिक्रिया