धनुषा – अत्यधिक मदिरा सेवनका कारण धनुषामा ६ जनाको ज्यान गएको छ ।

धनुषाको क्षिरेश्वरनाथ नगरपालिका २ रमदैयामा पाँच जना र औरही गाउँपालिका २ परवाहा टोलमा एक जनाको ज्यान गएको हो ।

ज्यान गुमाउनेमा रमदैयाका राजु महरा, रामनारायण महरा, गुदरी महरा, बिलास मण्डल, ब्रम्हदेव यादव र परवाहाका गिरिजानन्द झा रहेका छन् ।

अत्याधिक मदिरा सेवन गरेका कारण उनीहरुको ज्यान गएको प्रारम्भिक अनुसन्धानमा देखिएको इलाका प्रहरी कार्यालय सखुवा महेन्द्रनगरका प्रहरी निरीक्षक (इन्स्पेक्टर) पप्पु नायकले जानकारी दिए ।

उपचारको क्रममा प्रादेशिक अस्पताल जनकपुरमा परवाहाका गिरिजानन्द झाको निधन भएको छ । उनको मृत्यु अत्यधिक रक्सी सेवन वा अन्य कारणले भएको हो भन्ने अनुसन्धान भइरहेको जिल्ला प्रहरी कार्यालय धनुषाले जनाएको छ ।