एजेन्सी- ३२ वर्षे स्टेफेन स्वार्ज पेसाले पार्ट टाइम किसान हुन् । गत वर्ष उनले आफ्नी प्रमिकालाई विवाह प्रस्ताव गर्न केही फरक शैली अपनाएका थिए ।

उनले आफ्नो मकैबारीमा जर्मन भाषामा ‘के तिमी मसँग विवाह गर्छ्यौं’ भन्ने शब्दको आकारमा मकै रोपेका थिए ।

मकै उम्रिएर बढ्दै गएपछि उनले आफ्नी प्रेमिकालाई ड्रोन ल्याएर आफ्नो मकैबारीमा उडाउन लगाए ।

शुरुमा त ड्रोन कम उचाईमा उडिरहेका कारण उनकी प्रमिकाले त्यो प्रस्ताव पढ्न पाइनन् तर, जब ड्रोनले उचाई लियो अनी उनकी प्रमिकाले त्यो रोमान्टिक प्रस्ताव पढिन्, त्यसपछि भने स्वार्जकी प्रेमिका विवाहका लागि राजी भइन् ।

आफ्नी प्रमिकालाई विवाहको प्रस्ताव गर्न स्वार्जले लगाएको मकै एक्कासी गुगल म्यापमा देखिन पुगेपछि भने भने अहिले सामाजिक सञ्जालमा भाइरल भइरहेको छ ।

शुरुमा त उनले गुगल म्यापमा मकै देखिए नदेखिएको वास्तै गरेका थिएनन् । तर, क्यानाडामा बस्ने उनकी काकीले उनलाई गुगल म्यापको स्क्रिनसट पठाएपछि भने उनी छक्कै परेका थिए ।

जर्मनीको हुटेनबर्ग क्षेत्रमा ५ हेक्टरमा मकै लगाएर विवाह प्रस्ताव गरेका उनले आउँदो जुन महिनामा विवाह गर्ने तयारी गरिरहेको जनाइएको छ ।