काठमाडौं– त्रिभुवन विमानस्थल भन्सार कार्यालयले ऐन विपरित सुर्तिजन्य पदार्थ लिलाम गर्न लागेको पाइएको छ ।

भन्सार कार्यलयले ‘सुर्तिजन्य पदार्थ ( नियन्त्रण र नियमन गर्ने) ऐन २०६८’ को नियम विपतित सुर्तिजन्य पदार्थको लिलाम विक्रीको सूचना सार्वजनिक गरेको हो ।

त्रिभुवन विभानस्थल भन्सार कार्यलयले आज (सोमबार) सार्वजनिक सूचना जारी गर्दै सुर्तिजन्य पदार्थ सिलवन्दी दरभाउपत्रको माध्यमबाट लिलाम विक्री गर्न लागेको जनाएको छ ।

भन्सार कार्यालयले विमानस्थलबाट जफत गरिएका ७ हजार ५ सय ८५ केजी सुर्तिजन्य पदार्थ ४४ लाख ३७ हजार २ सय २५ रुपैयाँमा सिलवन्दी दरभाउपत्र आह्वान गरेको छ ।

तर, भन्सार कार्यालयले जारी गरेकाे यो सूचना ‘सूर्तिजन्य पदार्थ (नियन्त्रण तथा नियमन गर्ने) ऐन’ विपरित रहेको पाइएको छ ।

सुर्तिजन्य पदार्थ नियन्त्रण र नियमन गर्ने ऐन, २०६८ को दफा २१ मा जफत गरेको सुर्तिजन्य पदार्थ नष्ट गर्नुपर्ने उल्लेख छ । सो ऐनको दफा २१ को उपदाफा १ मा भनिएको छ, ‘मुद्धा हेर्न अधिकारीले यस ऐन बमोजिम जफल गरेको सूर्तिजन्य पदार्थ नष्ट गर्नु पर्नेछ ।’

यस्तै सोही दफको उपदफा २ मा ‘मुद्धा हेर्ने अधिकारीले उपदफा १ बमोजिम सूर्तिजन्य पदार्थ नष्ट गर्दा मानव स्वास्थ्य तथा वातावरणमा प्रतिकूल प्रभाव नपर्ने गरी नष्ट गर्नुपर्ने’ उल्लेख छ ।

तर भन्सार विभागले भने सो ऐनलाई वेवास्ता गर्दै जफत गरिएका सूर्तीजन्य पदार्थको लिलाम विक्रीको सूचना जारी गरेको हो ।

लिलामका लागि प्रस्ताव राख्ने कम्पनीले कबुल गरेको रकमको १० प्रतिशत रकम राष्ट्रिय वाणिज्य बैंकमा भन्सार कोषको खातामा दाखिला गर्नुपर्ने भन्सार कार्यालयले जनाएको छ ।

यस्तो छ भन्सार कार्यालयको सूचना