एजेन्सी– क्रिस्टियानो रोनाल्डोको पेनाल्टी गोलसँगै युभेन्ट्स सिरि ए फुटबलको शीर्ष स्थानमा उक्लिएको छ ।

आइतबार राति भएको खेलमा युभेन्ट्सले रोमालाई २–१ गोल अन्तरले पराजित गरेको हो ।

रोमाको घरेलु मैदानमा भएको खेलको दिमिराल र रोनाल्डोले गोल गरे । रोनाल्डोले पेनाल्टीमा गोल गरेका थिए ।

रोमाका डिएगो पेरोट्टीले ६८ औ मिनेटमा गोल गर्दै टिमलाई खेलमा फर्काउने कोशिश गरेपनि सफल हुन सकेन ।

रोनाल्डोले सिरि एमा चालू सिजन १४ गोल गरेका छन् ।

जितसंगै युभेन्ट्सले सिरि एमा दुई अंकको अग्रता लिएको छ ।

शीर्ष स्थानको युभेन्ट्सले १९ खेलबाट ४८ अंक जोडेको छ । उसले ईन्टर मिलानसंग स्पष्ट २ अंकको अग्रता लिएको हो । रोमा ३५ अंक सहित तालिकाको पाँचौ स्थानमा छ ।