काठमाडौँ– सुदूरपश्चिम प्रदेशको पहाडी जिल्ला डोटीमा ३.७ रेक्टर स्केलको भूकम्प गएको छ ।
भूकम्प मापन केन्द्र सुर्खेतले दिएको जानकारीअनुसार आज दिउँसो १ बजेर ३५ मिनेटमा सुदूरपश्चिमको पहाडी डोटी र बझाङ जिल्लाको सीमा क्षेत्रमा केन्द्रविन्दु बनाएर भूकम्प गएको हो ।
भूकम्पले घर हल्लाएको दिपायलका स्थानीयवासी कर्णबहादुर द्वारियाले जानकारी दिए ।
डोटीसहित सुदूरपश्चिम प्रदेशका विभिन्न स्थानमा भूकम्पको धक्का महसुस गराएको बताइएको छ ।
भूकम्पका कारण अहिलेसम्म कुनै पनि ठाउँमा क्षति भएको खबर प्राप्त नभएको प्रमुख जिल्ला अधिकारी भीमप्रसाद भट्टराईले जानकारी दिए ।
प्रतिक्रिया