काठमाडौँ – कुरुक्षेत्रमा भएको महाभारतको युद्धमा लाखौँ सैनिकहरुले भाग लिएका थिए । तर, तिनीहरुलाई खानेकुराको व्यवस्था कसरी हुन्थ्यो भन्ने कुरा सायदैलाई मात्र थाहा होला ।

हजारौँ मानिसहरु दैनिक मरेका थिए । तर, दिन दिनै कसरी खानेकुराको व्यवस्था हुन्थ्यो भन्ने कुराले सबैलाई अचम्मित बनाउँदछ । आज हामी तपाईलाई त्यसबारेका ५ रहस्यको बारेमा जानकारी दिदैछौँ ।

४५ लाख भन्दा धेरै थिए सैनिकः श्रीकृष्णका १ अक्षौहिणी नारायणी सेना मिलाएर कौरवसँग ११ अक्षौहिणी सेना थिए भने पाण्डवसँग ७ अक्षौहिणी सेना थिए । यसैप्रकारले सबै महारथीका सेनाहरु सहित ४५ लाख भन्दा धेरै सेना थिए ।

उडुपीका राजा बनाउँथे खानाः महाभारत युद्धको घोषणा भएपछि सबै राज्यले आ आफ्नो पक्ष चुने ।कोहि कौरव तिर त कोहि पाण्डव तिर । तर केही राजाहरु भने तटस्थ रहँदै उक्त सेनाहरुको लागि खाना बनाउने काम रोजे । त्यसमध्येका एक थिइ उडुपीका राजा । उनले भगवान श्रीकृष्णले भने पछि भोजन बनाउने काम गरेका थिए ।

यसरी तय हुन्थ्यो भोजनको मात्राः उडुपीका राजालाई खाना प्रतिदिन कसरी बनाउने भन्ने चिन्ताले सताइरहेको बेला श्रीकृष्णले उपाय बताएका थिए । जसका कारण खाना कुनै दिन धेरै भएन पनि र थोरै पनि भएन ।

यसरी निस्किएको थियो समाधान: युद्ध सकिएपछि युधिष्ठिरले भने तपाईँ कसरी ठिक्क हुने खाना बनाउनु हुन्थ्यो । त्यसपछि उडुपका राजाले त्यसको श्रेय भगवान श्रीकृष्णलाई दिए । उनले भने- भगवान श्रीकृष्णले हरेक बिहान बदाम खानुहुन्थ्यो । त्यो दृश्य म सधैँ हेर्ने गर्दथेँ । यदि भगवानले १० वटा बदाम खानुभयो भने म बुझ्थेँ कि आज १० हजार सैनिक मारिँदै छन् । त्यसरी नै म अर्को नि १० हजार सैनिकलाई कम हुने खाना बनाउँथे ।

कर्नाटकको मठः भनिन्छ, कर्नाटकको उडुपी जिल्लामा स्थित श्रीकृष्ण मठमा यो कथा हरेक दिन सुनाइन्थ्यो । यस मठको स्थापना स्वयं उडुपीका नरेशले गरेका थिए ।- एजेन्सीको सहयोगमा