मुम्बई – ओटीटीमा आफ्नो सफलतापछि भारतीय कलाकार सैफ अली खानले आफ्नो पारिश्रमिक बढाएका छन् । बलिउडमा यी अभिनेताले एक हरर फिल्मका लागि तीन गुना बढी पारिश्रमिक लिएको चर्चा चलेको छ ।
केही वर्षायता सैफ अली खानको चर्चा एकाएक चुलिएको छ । उनी खलनायकको भूमिकामा देखिएको फिल्म ‘तान्हाजी’ मा उनको अभिनय रुचाइयो ।
अजय देवगनको समेत शीर्ष भूमिका रहेको यो फिल्म सफल रह्यो । यो फिल्मको सफलतापछि सैफको व्यस्तता पनि बढेको छ ।
अर्कातिर सैफलाई ओटीटीमा पनि उत्तिकै रुचाइएको छ । डिजिटल प्लेटफर्ममा रिलिज भएका सैफका फिल्म र सिरिज दर्शकले रुचाएका छन् ।
‘सेक्रेड गेम्स’ सैफको करिअरको गेम चेन्जर वेब सिरिज बन्न सफल भएको थियो ।
प्रतिक्रिया