कैलाली- जिल्ला प्रहरी कार्यालय कैलालीको हिरासतमा थुनुवा मृत अवस्थामा भेटिएपछि प्रहरीले अनसन्धानका लागि छानविन समिति गठन गरेको छ ।

सुदुरपश्चिम प्रदेश प्रहरी कार्यालयका एसएसपी मुकेश कुमार सिंहका अनुसार घटनाको अनुसन्धानका लािग प्रहरी उपरीक्षक राजीव बस्नेतको नेतृत्वमा छानविन समिति गठन गरिएको हो ।

छानविन समितिमा एसपी बस्नेतसहित चारजना छन् ।

शुक्रवार बिहान हिरासतको शौचालयमा झुण्डिएको अवस्थामा मृत भेटिएका धनगढी उपमहानगरपालिका–५ का रोशन विकलाई भदौ २२ मा चोरी मुद्दामा पक्रेर प्रहरीले थुनामा राखेको थियो ।

प्रहरीले सर्टको पासोमा झुण्डेर आत्महत्या गरेको भनेपनि मृतकका आफन्तले उनको शरीरमा चोटपटक देखिएको हुनाले कुटपिटबाट मृत्यु भएको दावी गरेका छन् ।

आफन्तले शुक्रबार जिल्ला प्रहरी कार्यालय अगाडि प्रदर्शन गरेका थिए ।