एजेन्सी- इजरायल र खाडी देश बहराइनबीच शान्ति सम्झौतामा सहमति भएको छ । दुई देशबीच शान्ति सम्झौता गर्ने सहमति भएको अमेरिकी राष्ट्रपति डोनाल्ड ट्रम्पले घोषणा गरेका छन् ।
आपसी सम्बन्ध पूर्णरुपमा सामान्य बनाउनका लागि इजरायल र बहराइन सहमत भएको ट्रम्पले बताएका हुन्।
उनले ट्वीट गरेर इजरायलसँग शान्ति स्थापनाका सम्बन्धमा सहमति पुग्ने बहराइन पछिल्लो ३० दिनमा दोस्रो देश रहेको उल्लेख गरेका छन् ।
Joint Statement of the United States, the Kingdom of Bahrain, and the State of Israel pic.twitter.com/xMquRkGtpM
— Donald J. Trump (@realDonaldTrump) September 11, 2020
दशकौँदेखि अधिकांश अरब देशहरुले इजरायललाई बहिष्कार गर्दै आएका छन् । प्यालेस्टाइनसँगको तनाव अन्त्य भएपछि मात्रै इजरायलसँग सम्बन्ध सुधार गर्ने उनीहरुले भनाई रहँदै आएको छ ।
तर गएको महिना संयुक्त अरब इमिरेट्स (युएई) इजरायलसँगको सम्बन्ध सामान्य बनाउन सहमत भएको थियो ।
गएको जनवरीमा आफ्नो मध्यपूर्ण शान्ति योजना सार्वजनिक गरेका ट्रम्पले इजरायल र प्यालेस्टाइनबिचको हिंसा अन्त्य गर्ने बताउँदै आएका छन् ।
सन् १९४८ मा इजरायलको स्थापना भएपछि त्यसलाई मान्यता प्रदान गर्ने बहराइन चौथो अरब राष्ट्र हो। यसअघि युएई, इजिप्ट र जोर्डनले इजरायललाई मान्यता प्रदान गरेका थिए ।
इजरायल र बहराइनबिचको सम्झौता राष्ट्रपति ट्रम्प र उनका ज्वाईँ जेरार्ड कुश्नरका लागि कूटनीतिक सफलता हो ।
प्रतिक्रिया