काठमाडौं – स्पेनिस ला लिगा टोली एट्लेटिको अंक गणितका आधारमा च्याम्पियन्स लिगमा छनोट भएको छ ।

शनिबार राति रियल बेटिसलाई १–० गोल अन्तरले पराजित गर्दै एट्लेटिको च्याम्पियन्स लिगमा छनोट  भएको हो ।

बेटिससँग खेलको पहिलो हाफ गोल रहित बराबरी खेलेको एट्लेटिकोका मारियो हार्मोसोले ५७औं मिनेटमा विपक्षी खेलाडीलाई फाउल गरेपछि रातो कार्ड पाएका थिए ।

५७औं मिनेटमा मारियोले रातो कार्ड पाएपछि एट्लेटिको १० खेलाडीमा सीमित भएको एट्लेटिकोका लागि डियागो कोस्टाले गोल गरे । उनले खेलको ७४औं मिनेटमा गोल गर्दै टिमलाई महत्वपूर्ण जीत दिलाएका हुन् ।

जीतसंगै एट्लेटिको ६६ अंकसहित तेस्रो स्थानमा रह्यो । उसले चौथो स्थानको भिल्ला रियलसंग ९ अंकको अग्रता कायम गर्‍यो । रियल बेटिस ४१ अंकसहित तालिकाको १३औं स्थानमा रह्यो ।