बुटवल- रुपन्देहीका पहिलो कोरोना संक्रमित युवक निको भएर अस्पतालबाट डिस्चार्ज  भएका छन्। बुटवलको कोरोना विशेष अस्पतालमा रहेका उनी कोरोनामुक्त भइ मंगलबार साँज डिस्चार्ज भएका छन् ।

रुपन्देहीको कोटहीमाई गाउँपालिका-१ का २५ वर्षे युवामा १३ दिनअघि काठमाडौंको राष्ट्रिय जनस्वास्थय प्रयोगशालामा स्वाब परीक्षण गर्दा कोरोना पुष्टि भएको थियो ।

अस्पतालले पुनर्परीक्षणका लागि उनको स्वाब प्रादेशिक प्रयोगशाला भैरहवामा पठाएको थियो । प्रयोगशालाले नेगेटिभ नतिजा देखाएपछि उनलाई मंगलबार डिस्चार्ज गरिएको अस्पतालका मेसु राजेन्द्र खनालले बताए ।

उनमा कोरोनाको कुनै लक्षण देखिएको थिएन । उनी अब एक साता होम क्वारेन्टाइनमा बस्नुपर्नेछ ।