रुपन्देही- रुपन्देहीका पहिलो कोरोना संक्रमित युवक कोरोनामुक्त भएका छन् । पछिल्लो २ पटकको रिपोर्ट नेगेटिभ आएसँगै उनी कोरोनामुक्त भएको अस्पतालले जनाएको हो ।
रुपन्देहीको कोटहीमाई गाउँपालिका वडा नंं १ का २५ वर्षका युवक वैशाख १९ गतेदेखि बुटवलको धागो कारखानामा बनाइएको कोरोना विशेष अस्पतालमा उपचाररत थिए ।
गत शुक्रबार र सोमबारको रिपोर्ट नेगेटिभ आएपछि उनलाई मंगलबार (आज) नै डिस्चार्ज गर्न लागिएको अस्पतालका फोकल पर्सन डा. सुदर्शन थापाले बताए ।
उनी गएको वैशाख ५ गते भारतको मुम्बईबाट नेपाल प्रवेश गरेका थिए ।
उनलाई अस्पतालबाट डिस्चार्ज गरिएपछि पनि एकहप्ता होम आइसोलेसनमा बस्नुपर्ने अस्पतालले जनाएको छ।
प्रतिक्रिया