मुम्बई – बलिउड कलाकार पुनम पाण्डे लकडाउनका बेला नियमको धज्जी उडाउँदै आफ्ना ब्यायफ्रेण्डसँग घुम्न निस्किएकी थिइन् । जसकारण उनलाई प्रहरीले पक्राउ गर्‍यो ।

यतिबेला पुनप पाण्डेलले आफू पक्राउको खबरबारे स्पष्टीकरण दिएकी छिन् । उनले आफू पक्राउ परेको भन्नेमा कुनै सत्यता नभएको पनि बताएकी छिन् ।

पुनमले एक भिडियो सन्देश दिँदै बताएकी छिन्, ‘मैले गएको रात निकै धेरै फिल्म हेरें, एकपछि अर्को गर्दै ३ फिल्म हेरें, जुन निकै राम्रा थिए ।’

पक्राउ परेको खबर झुठ भएको दाबी गर्दै पुनमले आफूलाई हिजोदेखि बारम्बार फोन आएको बताइन् । उनले भनिन्, ‘कृपया मेरो बारेमा यस्तो नलेख्नुस्, घरमै छु, ठीक छु ।’

लकडाउन उल्लङ्घनको आरोपमा पुनमलाई मुम्बई प्रहरीले आइतवार पक्राउ गरेको थियो । उनको बीएमडब्लु कार पनि प्रहरीले हिरासतमा लिएको भनिएको थियो । उनीसँगै ब्यायफ्रेन्डलाई पनि पक्राउ गरिएको भारतीय मिडियाले जनाएका थिए ।