बाँके – बाँकेको खजुरास्थित एक स्वास्थ्यचौकीका स्वास्थ्यकर्मीलाई एक व्यक्तिले ज्यान मार्ने धम्की दिएका छन् ।

गाउँपालिकाको वडा नम्बर ७ मा रहेको सोनपुर स्वास्थ्यचौकीमा कार्यरत स्वास्थ्यकर्मीलाई स्थानीय एक व्यक्तिले ज्यान मार्ने धम्की दिएपछि प्रहरीमा उजुरी दिएका छन् ।

सोनपुरका स्थानीय रफी भाटले स्वास्थ्यकर्मीलाई ज्यान मार्ने धम्की दिएको स्वास्थ्यचौकीका प्रमुख सुदीप पौडेलले जानकारी दिए ।

स्वास्थ्यचौकीमा नजन्मेको शिशुलाई त्यहीँ जन्मेको प्रमाणीकरण गरिदिनुपर्ने माग अस्वीकार गर्दा ज्यान मार्ने धम्की आएको उनले बताएका छन् ।

इलाका प्रहरी कार्यालय धनौलीका इञ्चार्ज प्रहरी निरीक्षक पोषणराज थपलियाले उजुरीपछि उक्त बिषयमा अनुसन्धान थालिएको जानकारी दिएका छन् ।