काठमाडौं – अमेरिकी राष्ट्रपति डोनाल्ड ट्रम्पले विकासशील राष्ट्रका नाममा चीनले नचाइदो फाइदा लिएको आरोप लगाएका छन् ।

ट्रम्पले ह्वाइट हाउसमा नियमित प्रेस कन्फरेन्समा बोल्दै ट्रम्प पुनः एकपटक चीनप्रति आक्रोशित हुँदै विकासशील देशको दर्जामा रहेर चीनले धेरै फाइदा उठाएको आरोप लगाएका हुन् ।

अनेकौँ फाइदा लिन पाउने हो भने अमेरिकालाई पनि विकासशील देश बनाउन उनले माग गरे ।

‘चीनले अविश्वसनीय रुपमा हामी र अन्य देशको फाइदा उठाएको छ । तपाइँहरुलाई थाहा छ तीनलाई विकासशील देश मानिन्छ । म भन्छु, ठीक छ त्यसो भए हामीलाई पनि विकासशील देश बनाइदिनुस् ।’

विश्व् व्यापार संगठनले पनि अमेरिकाको फाइदा उठाएको ट्रम्पले आरोप लगाए ।

चीन अमेरिकाको सहयोगमा विश्व व्यापार संगठनमा प्रवेश गरेपछि मात्र उसको अर्थव्यवस्था बढ्न लागेको दावी गर्दै राष्ट्रपति ट्रम्पले अहिले विश्व व्यापार संगठन नै अमेरिकासँग निष्पक्ष हुन नसकेको बताएका छन् ।