काठमाडौँ–  कैलाश र मनाङ हेलिकोप्टरले पनि कोरोना संक्रमितको उद्धार गर्ने अनुमति पाएका छन् ।

यसअघि सिम्रिक हेलिकोप्टरले कोरोना संक्रमितको उद्धार गर्दै आएकोमा अब कैलाश र मनाङले पनि उद्धार गर्ने अनुमति पाएका हुन् ।

नागिरक उड्डयन प्राधिकरणले शुक्रबार थप यी दुई कम्पनीका हेलिकोप्टरलाई उद्धार उडानको अनुमति दिएको हो ।

अब उनीहरुले नेपालका जुनसुकै स्थानमा कोरोनाभाइरस संक्रमितलाई  उपचारका लागि उद्धार उडानको सेवा दिने छन् ।

अब शनिबारदेखि नै काेभिडका बिरामीलाई सेवा  दिने दुवै कम्पनीले जनाएका छन्।

स्वास्थ तथा जनसंख्या मन्त्रालय र विश्व स्वास्थ संगठनको आवश्यक नीति निर्देशनको पालना गर्ने गरी नेपाल नागरिक उड्डयन प्राधिकरणबाट उद्धार उडानको अनुमति पाएको कैलाश हेलिकोप्टरले प्रालिले जानकारी दिएको छ।