काठमाडौं – नायिका स्वस्तिमा खड्काले दीपेन्द्र के खनालको निर्देशनमा बन्ने फिल्म ‘चिसो मान्छे’ साइन गरेकी छिन् ।

बुधवार नायिका खड्का र फिल्म निर्मात्री शर्मिला पाण्डेबीच लिखित सम्झौता भएको हो । फिल्ममा स्वस्तिमाको शीर्ष भूमिका रहने जनाइएको छ ।

यसअघि नै फिल्मको घोषणा गरिएको थियो । मध्यमवर्गीय परिवारको कथा रहने फिल्ममा निर्देशक खनालकै कथा रहने जनाइएको छ ।

निर्देशक खनालका अनुसार फिल्मले मानिसमा देखिएको नैरश्यताको कथालाई प्रस्तुत गर्नेछ । कोरोना भाइरसको प्रभावले सिनेमा क्षेत्रमा देखिएको महामारीका बेला निर्देशक खनालले यो फिल्मको घोषणा गरेका थिए ।

यो फिल्म आउँदो वर्षको भदौ ११ गते रिलिज हुने भनिएको छ । साथै फिल्ममा अर्पण थापाको पनि शीर्ष भूमिका रहनेछ ।