काठमाडाैं- नेपाली कांग्रेसका नेता एवं पूर्वमन्त्री सुनिल बहादुर थापालाई कोरोना भाइरस संक्रमण पुष्टिभएछि अस्पतालमा भर्ना भएका छन्।

थापाका छोरा सिद्धार्थका अनुसार पाँच दिनदेखि ज्वरो आउने क्रम नरोकिएपछि ह्याम्सअस्पताल भर्ना गरिएको हो ।

पूर्वमन्त्री थापा, उनकी श्रमती र चालकलाई कोरोना पोजेटिभ देखिएको  छ । परिवारका अरु सदस्यको स्वाब परिक्षण गर्दा नेगेटिभ देखिएको थापाका छोरा सिद्धार्थले बताए ।

अस्पतालको कोभिड १९ आइसोलेसनमा रहेका नेता थापाको स्वास्थ्य अवस्थामा सुधार आइरहेको अस्पतालले बताएको छ।

नेता थापालाई कोरोना देखिएपछि कांग्रेस सभापति शेरबहादुर देउवाले फोनमार्फत शीघ्र स्वास्थ्य लाभको कामना गरेका छन्।

यसैगरी नेपाली कांग्रेसका केन्द्रीय नेताहरुले समेत नेता थापाको स्वास्थ्य लाभको कामना गरेका छन्।