एजेन्सी- कट्टरपन्थी इस्लामिक प्रचारक जाकिर नाइकका स्वामित्वमा रहेको पीस टीभी र पीस टीभी उर्दू-टेलिभिजन च्यानलहरूलाई बेलायतको मिडिया वाचले ३ लाख पाउन्ड जरिवाना गरेको छ।

ती च्यानलबाट घृणा, हिंसा र आतंकवादलाई उक्साउने सामाग्री प्रसारण गरेको आरोप लगाउँदै मिडिया वाचले जरिवाना गरेको हो ।

पीस टीभीको होल्डिङ कम्पनी लर्ड कम्युनिकेसनलाई १ लाख पाउण्ड जरिवाना गरिएको छ भने पीस टीभी उर्दूको होल्डिङ कम्पनी क्लब टीभीलाई २ लाख पाउण्ड जरिवाना गरिएको छ।

बेलायती वाच डगले जारी गरेको विज्ञप्तिमा भनिएको छ, “आज हाम्रो प्रसारण नियम तोड्दा पिस टीभी उर्दूका इजाजत पत्र धारकलाई २ लाख पाउन्ड र पीस टीभीको इजाजत पत्र धारकलाई १ लाख पाउन्ड जरिवाना गरेको छ।”

विज्ञप्तिमा भनिएको छ, “हाम्रो अनुसन्धानले पीस टीभी उर्दू र पीस टीभीमा प्रसारण गरिएको कार्यक्रमहरूमा घृणायुक्त बोली र अत्यधिक आपत्तिजनक सामग्री प्रसारण भइरहेको छ जसले हिंसा र अपराध उक्साउने सम्भावना थियो।”

भारतमा उनीविरुद्ध घृणा फैलाएको आरोप लागेको छ । घृणा फैलाएको आरोपमा मुद्दा लागेपछि उनी भारतबाट फरार छन् । नाइक २०१६ देखि मलेशियामा बसेका छन् । भारतले उनको प्रत्यर्पणको लागि क्वालालम्पुरलाई दबाब दिदै आएको छ।

मोदी सरकारले जाकिर नाईकको प्रत्यर्पण गर्न मलेसियालाई औपचारिक अनुरोध पनि पठाईसकेको छ ।

नाइक एशियामा इस्लामी कट्टरपन्थीकरणको लागि जिम्मेवार मानिन्छ । धेरै जसो कट्टरपन्थीकरण ईण्डोनेशियालगायत दक्षिण-पूर्वी एशियामा भइरहेको छ । श्रीलंकामा इस्टर बम बिष्फोटनको मास्टर माइन्ड पनि जाकिर नाईकको भाषणबाट प्रेरित थिए ।