काठमाडौं- काठमाडौंबाट प्रतिनिधित्व गर्ने सांसदहरुले स्थानीय विकास साझेदारी शीर्षकमा सांसदलाई दिइने रकम कोरोनाको उपचारमा खर्च गर्न माग गरिएको छ ।

सांसदहरुले यो रकम कोरोनाको उपचारमा खर्च गर्ने पहलका लागि सभामुख अग्नि सापकोटालाई ध्यानाकर्षणपत्र बुझाएका छन् ।

काठमाडौंबाट प्रतिनिधित्व गर्ने सांसदहरु गगन थापा, भिमसेनदास प्रधान, शशी श्रेष्ठलगायले सांसद विकास कोषका रुपमा चिनिने रकम कोरोनाका उपचारमा खर्च गर्ने पहल गर्न सभामुखसँग आग्रह गरेका हुन् ।

कोरोनाको रोकथामका लागि सरकारले गरिरहेको काम र बेथितिका विषयमा छानविन गर्न संसदीय समिति गठन गर्न समेत सभामुखसँग उनीहरुले माग गरेका छन् ।

२० जना सांसदहरुले हस्ताक्षर गरेर बुझाएको ध्यानाकर्षणपत्रमा हरेक निर्वाचन क्षेत्रमा एउटा आइशोलेसन सेन्टर बनाउन माग गरिएको छ ।