एजेन्सी– कोरोनाभाइरस सङ्क्रमण भएपछि भारतका पूर्वराष्ट्रपति प्रणब मुखर्जीको सघन उपचार कक्ष ‘भेन्टिलेटर’मा राखेर उपचार थालिएको छ।
कोभिड-१९ पुष्टि भएको भोलिपल्ट आज उनलाई सघन उपचार कक्षमा सारिएको बीबीसीले जनाएकव छ ।
अस्पतालमा मस्तिष्कमा रगत जमेर बनेको सानो टुक्रा हटाउन शल्यक्रियाका लागि पुगेका मुखर्जीमा कोरोनाभाइरस सङ्क्रमण देखिएको थियो।
अस्पतालको भनाइलाई उद्धृत गर्दै स्थानीय सञ्चारमाध्यमहरूले उनको अवस्था गम्भीर रहेको जनाएका छन् ।
राष्ट्रपति हुनुअघि मुखर्जी भारतका अर्थमन्त्री, रक्षामन्त्री र परराष्ट्रमन्त्रीजस्ता महत्त्वपूर्ण पदमा रहेर काम गरेका थिए।
उनी सन् २०१२ देखि २०१७ सम्म भारतका राष्ट्रपति थिए।
प्रतिक्रिया