काठमाडौं – बलिउड अभिनेता अमिताभ बच्चनमा कोरोना भाइरस (कोभिड–१९) को संक्रमण भएको छ ।

अभिनेता बच्चनले आफूमा कोरोरा भाइरसको संक्रमण भएको सामाजिक सञ्जालमार्फत जानकारी दिएका हुन् । उनले कोरोना परीक्षण गर्दा पोजेटिभ देखिएको बताएका छन् ।

‘ममा कोेरोना पोजेटिभ देखिएको छ, हस्पिटलमा सिफ्ट भएको छु,’ अमिताभले ट्वीटर तथा फेसबूकमार्फत जनाएका छन् । मुम्बईको एक अस्पतालमा उनको कोरोना परीक्षण गरिएको थियो ।

T 3590 -I have tested CoviD positive .. shifted to Hospital .. hospital informing authorities .. family and staff undergone tests , results awaited ..
All that have been in close proximity to me in the last 10 days are requested to please get themselves tested !

— Amitabh Bachchan (@SrBachchan) July 11, 2020

अमिताभको परिवार र स्टाफको कोरोना परीक्षण गरिएको छ । उनीहरुको नतिजा अझै नआएको बच्चनले जनाएका छन् ।

पछिल्लो समय अमिताभ फिल्म ‘गुलाबो सिताबो’ मा देखिएका थिए । उक्त फिल्म ओटीटी प्लेटफर्ममा रिलिज भएको थियो ।

उनको ट्वीटपछि बलिउड सेलिब्रेटी र फ्यानले स्वाथ्यलाभको कामना गरेका छन् ।