काठमाडौं – ५ महिनाभन्दा बढी समयदेखि फैलिएको कोरोना भाइरसको महामारीले अमेरिकामा संक्रमित हुनेको संख्या २० लाख ६५ हजार नाघेको छ ।
पछिल्लो २४ घण्टामा १९ हजार ९४३ जना संक्रमित थपिएका छन् । योसँगै त्यहाँ संक्रमित हुनेको संख्या २० लाख ६५ हजार ४९२ पुगेको छ ।
कोरोना भाइरसको महामारीले अमेरिकामा विहिबार बिहान साढे ५ बजेसम्म १ लाख १५ हजार १२६ जनाको मृत्यु भएको छ । पछिल्लो २४ घण्टामा थप ९७८ जनाको मृत्यु भएको छ ।
कुल संक्रमितमध्ये ८ लाख १ हजार ३५४ जना संक्रमणमुक्त भएका छन् । उपचार गराइरहेका ११ लाख ४९ हजार १२ जनामध्ये १६ हजार ८५२ जनाको अवस्था गम्भीर रहेको छ ।
प्रतिक्रिया