कास्की- भारतद्वारा सीमा अतिक्रमणको विरोधमा नेपाली कांग्रेसको भ्रातृ संगठन नेपाल विद्यार्थी संघ (नेविसंघ)ले पोखरामा प्रधानमन्त्री केपी शर्मा ओली, भारतीय समकक्षी नरेन्द्रमोदीसहित परराष्ट्रमन्त्री प्रदीप ज्ञवालीको पुत्ला जलाएको छ ।

भारतीय अतिक्रमणको चपेटामा परेको लिपुलेक, कालापानी र लिम्पियाधुरा तत्काल फिर्ता ल्याउनुपर्ने माग राख्दै नेविसंघले पुत्ला दहन गरेको हो ।

पोखरा २७ तालचोकमा नेविसंघले पुत्ला जलाएको नेविसंघका पूर्व कास्की जिल्ला सह—सचिव राजिव भण्डारीले जानकारी दिए । उनीहरुले भारतीय अतिक्रमणमा परेको भुमी तत्काल फिर्ता ल्याउनु पर्ने माग राख्दै चर्को नाराबाजी गरेका थिए ।

भारतले नक्कली नक्सा बनाएर नेपाली भूमी हुँदै तिब्बतको मानसरोबर जोड्ने बाटो बनाएपछि देशका विभिन्न स्थानमा केहीदिन यता प्रदर्शन हुँदै आएको छ ।