काठमाडौं- सुन्दर यातायात प्रालिले भक्तपुरको जगातीमा सवारी डिसइन्फेक्सन टनेल निर्माण गरि सञ्चालनमा ल्याएको छ ।

आइतबार पूर्व मन्त्री महेश बस्नेतले उक्त टनेलको शुभारम्भ गरे ।

कार्यक्रममाम्रो भक्तपुर जिल्ला समन्वय समितिका प्रमुख, प्रमुख जिल्ला अधिकारी, सूर्यविनायक नगरपालिका का उप-प्रमुख, महानगरीय प्रहरी परिसर भक्तपुर का प्रमुख र महानगरीय प्रहरी वृत्त का कार्यालय प्रमुख साथै वडा नं २ का वडा अध्यक्ष लगायतको उपस्थिति रहेको थियो

शुभारम्भ गर्दै साथै पूर्व मन्त्री बस्नेतले आगामी दिनमा पनि यस्तै काम हरू गर्दै जान सुन्दर यातायात तथा सम्पूर्ण सर्वसाधारणहरुलाई प्रोत्साहन गर्दै र आफुले सक्दो सहयोग गरेकोमा खुसी व्यक्त गरे । ‘यो टनेलले किटाणु रहित गराउनमा विशेष ध्यान पुग्ने छ’ उनले भने।

सुन्दर यातायातले कोरोना भाइरसको संक्रमण रोकथामका लागि काठमाडौं प्रवेश गर्ने भक्तपुरको जगातिमा करिब २ लाख ५० हजार खर्च गरि डिसइन्फेकसन सञ्चालनमा ल्याएको प्रालीका सञ्चालक भेष बहादुर थापाले जानकारी दिए ।

प्रालीले केही दिनअघि काठमाडौं प्रवेश गर्ने नागढुंगा नाकामा पनि सवारी डिसइन्फेसन टनेल सञ्चालनमा ल्याएको थियो ।