एजेन्सी- इटालीका प्रधानमन्त्री जुजेप्पे कान्टले इटालीमा लकडाउनको समय ३ मे सम्मका लागि घोषणा गरेका छन् । यसअघि मार्च ९ मा लकडाउन घोषित गर्दै अप्रिल १३ सम्म पुर्‍याइएको थियो ।

लकडाउनका कारण इटालीमा पछिल्लो दिनमा संक्रमितको संख्यामा केही कमी आएको मानिएको छ । त्यसैलौ मध्यनजर गर्दै प्रधानमन्त्रीले आगामी मे महिनाको ३ तारिखसम्म लकडाउन घोषणा गरेको बताएका छन् ।

पछिल्लो २४ घन्टामा इटालीमा जम्मा ५ सय ७० को मृत्यु भएको छ, जुन अघिल्लो साताको भन्दा मृत्युदर कम हो ।

हालसम्म इटालीमा विश्वमै सबैभन्दा मानिसहरुले मृत्यु भएको छ, तर पनि अमेरिकामा पछिल्ला दिनमा हुँदै गरेको मृत्युदरले इटालीलाई उछिन्ने भने पक्का भएको छ । हालसम्म इटालीमा १८ हजार ८ सय ४९ जनाको मृत्यु भएको जनाइएको छ । १ लाख ४७ हजार ५७७ जनामा संक्रमण देखिएको छ ।